Saturday, January 21, 2017

സംസ്ഥാന സ്കൂൾ കലോത്സവം 2017 | നാടകം ഒന്നാം സ്ഥാനം എച് എസ് പെരിങ്ങോട്

ജീവിതം തന്നെ നാടകമാക്കി അരങ്ങിൽ ജീവിച്ച അജ്മൽ തന്നെയാണ് മികച്ച നടൻ!

ഹൈസ്കൂൾ വിഭാഗം നാടകമത്സരത്തിൽ ഒന്നാം സ്ഥാനം നേടിയത് 'വലുതാകാൻ കുറേ ചെറുതാകണം' എന്ന നാടകമാണ്. പെരിങ്ങോട് സ്കൂളിലെ മിടുക്കന്മാർക്കും മിടുക്കികൾക്കും അഭിനന്ദനങ്ങൾ...

അരങ്ങിലും അണിയറയിലും പ്രവർത്തിച്ച എല്ലാവർക്കും പെരിങ്ങോട്ടുകാർക്ക് മുഴുവനും അഭിമാന നിമിഷം...

Asianet News​ -ൽ വന്ന ഈ റിപോർട്ട് ഒന്നു കണ്ടു നോക്കൂ... ഇതിൽ പോലും അജ്മലിന്റെ സ്വാഭാവികാഭിനയത്തിന്റെ മികവ് നിങ്ങൾക്ക് കാണാം... ❤




ഏഷ്യാനെറ്റ് ന്യൂസിൽ വന്ന വീഡിയോ റിപോർട്ട്:


malayaali.com
Share:

Friday, January 6, 2017

ജന്മഭൂമിയെയും ജനം ടീവിയെയും ബഹുദൂരം പിന്നിലാക്കി വർഗീയതയിൽ കൈരളി മുന്നിൽ. 'ഒരു ജനതയുടെ ആത്മാവിഷാരം' സഫലമാകുന്നു!

ജന്മഭൂമിയെയും ജനം ടീവിയെയും ബഹുദൂരം പിന്നിലാക്കി വർഗീയതയിൽ കൈരളി മുന്നിൽ. 'ഒരു ജനതയുടെ ആത്മാവിഷാരം' സഫലമാകുന്നു!



'സാക്കിർ നായികിന്റെ പീസ് സ്‌കൂളിൽ റെയ്ഡ്; കോഴിക്കോട്ടെ റെയ്ഡിൽ നിരവധി രേഖകൾ പിടിച്ചെടുത്തു; സ്‌കൂൾ എംഡി വിദേശത്തേക്കു കടന്നു' ഇതാണ് തലക്കെട്ട്. ഇതാവണം തലക്കെട്ട്. പിണറായി ആഭ്യന്തര മന്ത്രിയായ കേരളത്തിലെ പോലീസുകാരെ നിയന്ത്രിക്കുന്നത് ഒരേയൊരു പ്രതിനിധി മാത്രമുള്ള ബിജെപി ആണെന്ന് തമാശയായി പലരും പറയാറുണ്ട്. എന്നാൽ അത് തമാശയല്ല യാഥാർഥ്യമാണെന്ന് വ്യക്തമാക്കുന്നതാണ് മുകളിൽ കൊടുത്ത തലക്കെട്ടോടു കൂടിയ കൈരളി ടിവിയുടെ എഫ്ബി പേജിലും അവരുടെ ന്യൂസ് പോർട്ടലിലും ഇപ്പോഴും (06-01-2017 11:00am) നിലനിൽക്കുന്ന പോസ്റ്റുകൾ!

എല്ലാവരെയും പോലെ ഞാനും കരുതിയിരുന്നത്, പോലീസ് ഉദ്യോഗസ്ഥരുടെ നിലപാടുകളാണ് അത്തരം നയവൈകല്യങ്ങൾ എന്നായിരുന്നു. ഈ വാർത്തയുടെ ശൈലി നോക്കൂ. ഇതിൽ പോലീസുകാർക്ക് എന്തായാലും പങ്ക് ഉണ്ടാകില്ലല്ലോ. സിപിഐഎം ഉടമസ്ഥതയിലുള്ള, പാർട്ടി പ്രവർത്തകർ എഡിറ്റർമാരും റിപോർട്ടർമാരുമായ ഒരു ചാനലാണല്ലോ ഈ കൈരളി. എന്നിട്ടും ലോകത്ത് ഒരാൾക്കും കിട്ടാത്ത ഈ വാർത്ത കൈരളിക്ക് ലഭിക്കണമെങ്കിൽ ഉള്ളിൽ ഒളിപ്പിച്ചു വെച്ച വർഗീയത അറിയാതെ പുറത്തു ചാടിയതാവാനോ, ഒരു അബദ്ധം പറ്റിയതാവാനോ തരമില്ല. അങ്ങിനെയെങ്കിൽ 19 മണിക്കൂർ കഴിഞ്ഞ വാർത്ത പോർട്ടലിൽ നിന്ന് പിൻവലിക്കാനുള്ള വിവേകമെങ്കിലും അവർ കാണിക്കുമായിരുന്നല്ലോ! അതോ, ആളില്ലാത്തോണ്ട് ജന്മഭൂമിയുടെ എഡിറ്ററാണോ ഇവിടെ കാര്യങ്ങൾ നോക്കുന്നത്?

സോഷ്യൽ മീഡിയകളിൽ ഇന്നലെയും ഇന്നുമായി നിരവധി പേർ പീസ്സ് ഇന്റർനാഷ്ണൽ സ്കൂളിനെ കുറിച്ച് പോസ്റ്റുകൾ ഇട്ടിരുന്നു. അവയിലൊന്നും അത് സാക്കിർ നായിക്കിന്റെ സ്കൂളാണെന്ന വിഡ്ഢിത്തം ആരും പറഞ്ഞിട്ടില്ല. എന്തിന് ജനം ടീവി പോലും ഇങ്ങനെയൊരു പരാമർശം നടത്തിയിട്ടില്ല.

കൈരളിയുടെ എഫ്ബി പോസ്റ്റ്:


കൈരളി പോർട്ടലിലെ വാർത്ത:
http://www.kairalinewsonline.com/2017/01/05/89024.html

എം എം അക്ബറിന്റെ പ്രതികരണം:

ഈ വിഷയകമായി എഫ്ബിയിൽ വന്ന ചില പോസ്റ്റുകൾ:
















-മലയാളി പെരിങ്ങോട്

#Politics, #Kerala, #Police, #UAPA, #StandWithMMAkbar, #MMAkbar, #RSS, #LDF, #Pinarayi, #KairaliTV, #MalayaliPeringode
Share:

Thursday, January 5, 2017

അമ്പത്താറിഞ്ചല്ല, ഇരട്ടച്ചങ്കുമായി എൽഡി‌എഫ് വന്നു; എല്ലാരേം ശരിയാക്കിത്തുടങ്ങി!


അമ്പത്താറിഞ്ചല്ല, ഇരട്ടച്ചങ്കുമായി എൽഡി‌എഫ് വന്നു; എല്ലാരേം ശരിയാക്കിത്തുടങ്ങി!
 


യുഡി‌എഫിന്റെ മൃദു ഹിന്ദുത്വവും, വർഗീയതയോട് പുറം തിരിഞ്ഞു നിൽക്കുന്ന സമീപനവും മൂലം മു‌സ്‌ലിം ന്യൂനപക്ഷങ്ങൾക്ക് സംരക്ഷണമില്ലെന്നും അവരെയൊക്കെ കൈവിട്ട്, മതനിരപേക്ഷ കക്ഷിയായ എൽഡി‌എഫിനെ വാരിപ്പുണരണമെന്നും എങ്കിൽ മാത്രമേ മുസ്‌ലിംകൾക്കും മറ്റു ന്യൂനപക്ഷങ്ങൾക്കും ഈ രാജ്യത്ത് സുരക്ഷയും സംരക്ഷണവും ലഭ്യമാകൂ എന്ന് അവരിൽ പെട്ട ആളുകളെ കൊണ്ടു തന്നെ ലേഖനങ്ങളായും സോഷ്യൽ മീഡിയ പോസ്റ്റുകളായും സമകാലിക പ്രസിദ്ധീകരണങ്ങളിൽ കവർ സ്റ്റോറികൾ വരെ ചെയ്യിപ്പിക്കുകയും ചെയ്ത് അധികാരത്തിന്റെ സുഖശീതളിമയിലേക്ക് ഇടിച്ചു കയറിയ ഒരു വിഭാഗമുണ്ട്.

ഉത്തരേന്ത്യയിൽ ബീഫ് നിരോധിച്ചപ്പോൾ അവർ ഈ കൊച്ചു കേരത്തിൽ ബീഫ് ഫെസ്റ്റുകൾ നടത്തി, തങ്ങളാണ് ആവിഷ്കാര-പൗര സ്വാതന്ത്ര്യത്തിനു വേണ്ടി ശബ്ദമുയർത്തുന്ന, പോരാടുന്ന ഒരേയൊരു വിപ്ലവ പ്രസ്ഥാനം എന്ന് പെരുമ്പറമുഴക്കി. കുറേ 'നിഷ്കുകൾ' അതും വിശ്വസിച്ച്, പോസ്റ്ററുമൊട്ടിച്ച് നടന്നു. ഇരട്ടച്ചങ്കും, ഉരുക്ക് നട്ടെല്ലും, നിലപാടുകളിലെ കാർക്കശ്യക്കാരനുമായ സഖാവ് പിണറായി തന്നെ വേണം മുഖ്യമന്ത്രിയായിട്ട് എന്നും എല്ലാവരും വാഴ്ത്തിപ്പാടി. ഭരണം കയ്യാളി അധികം വൈകാതെ പോലീസ് സേനാ ആസ്ഥാനത്ത് നടപ്പിലാക്കിയ ബീഫ് നിരോധനം നീക്കാൻ പോലും ശേഷിയില്ലാത്ത ഇരട്ടച്ചങ്ക് പിന്നീട് #ഇരട്ടസംഘൻ ആയി പരിണമിക്കുന്നത് എല്ലാവരും തിരിച്ചറിയാൻ തുടങ്ങി. അപ്പോഴും ന്യായീകരണങ്ങൾ നിരത്തിക്കൊണ്ട്, ഉടനെ ശരിയാകും ഉടനെ ശരിയാകും എന്നു കരുതി പലരും രംഗത്ത് വന്നു കൊണ്ടിരുന്നു. #എല്ലാംശരിയാകും എന്നും പറഞ്ഞായിരുന്നല്ലോ അവർ ഓടി നടന്നിരുന്നത്.

LDF തെരഞ്ഞെടുപ്പ് പ്രചരണ കാമ്പയിൻ പോസ്റ്ററുകളിലൊന്ന്


പിന്നീട് കണ്ടത് എന്തൊക്കെയാണ്? മിണ്ടിയാൽ യു എ പി എ എന്ന അവസ്ഥയിലേക്ക് കാര്യങ്ങൾ പോയിത്തുടങ്ങി. വ്യാജ ഏറ്റുമുട്ടൽ കൊല, നോവലെഴുതിയതിന്റെ പേരിൽ, എഫ്ബി പോസ്റ്റ് ഇട്ടതിന്റെ പേരിൽ, ഇടാത്ത എഫ്ബി പോസ്റ്റിന്റെ പേരിൽ... അങ്ങനെ യു‌എ‌പി‌എ ഒരു ഹരമായി മാറി.

കൊടിഞ്ഞിയിൽ ഒരു മനുഷ്യൻ തനിക്കിഷ്ടപ്പെട്ട മതം സ്വീകരിച്ചു എന്ന ഒറ്റക്കാരണത്താൽ, ഭീകര സംഘടനയായ ആർഎസ്‌എസുകാർ വെട്ടി നുറുക്കിയതും, അതിന് ഗൂഢാലോചന നടത്തിയത് ഒരു വിദ്യാലയമാണെന്ന് വ്യക്തമായിട്ടു പോലും, ആ വിദ്യാലയമൊന്ന് കയറി പരിശോധിക്കാനോ, അതിന്റെ നടത്തിപ്പുകാർക്കെതിരെ കേസെടുക്കാനോ ഇരട്ടസംഘനു പേടിയായി.

സ്കൂളുകൾ കേന്ദ്രീകരിച്ച് ഇക്കഴിഞ്ഞ ക്രിസ്തുമസ് അവധിക്കാലത്ത് സംഘി തീവ്രവാദികൾ ആയുധപരിശീലനം നടത്തുന്നു എന്ന് പലരും പറഞ്ഞിട്ടും കേൾക്കാതായപ്പോൾ, സ്വന്തം ചാനലായ 'കൈരളി പീപ്പിൾ' ആയുധ പരിശീലനത്തിന്റെ ചൂടാറാത്ത ദൃശ്യങ്ങൾ മലയാളികൾക്ക് മുന്നിലെത്തിക്കുകയുണ്ടായി. അതേ ചാനലിൽ പിന്നീട് നടന്ന ചർച്ചയിൽ സംഘികൾ തന്നെ വന്നിരുന്ന് സംസ്ഥാന ആഭ്യന്തര വകുപ്പിനെയും പോലീസ് സേനയേയും വെല്ലുവിളിച്ചു. സ്വന്തം പാർട്ടി പ്രവർത്തകർ പോലും ഇതിനെതിരെ നടപടിയെടുക്കണമെന്നു പറഞ്ഞിട്ടും ഇരട്ടച്ചങ്ക് കുലുങ്ങിയില്ല.

പോലീസുകാരുടെ ഭീകരമായ നടപടികളും, സമീപനങ്ങളും തുറന്നു കാണിക്കുമ്പോൾ, പട്ടാളക്കാരുടെ മനോവീര്യം തകർക്കരുത് എന്ന ടോണിൽ, 'പോലീസുകാരുടെ മനോവീര്യം തകർക്കരുത്' എന്ന് തിരിച്ച് ന്യായം കണ്ടെത്തി. അവസാനം ഇതാ ഒരു സ്കൂൾ പോലീസ് അതിസാഹസികമായി റെയ്ഡ് ചെയ്തിരിക്കുന്നു. പീസ് ഇന്റർ നാഷ്ണൽ സ്കൂൾ! സംഘീ ഭീകരർ പരിശീലനം നടത്തിയതിനല്ല. അവിടെ പോയി എന്തും ചെയ്യാം എന്നും എന്തു തെറ്റാണ്  ഇവർ ചെയ്തത് എന്നും ചോദിച്ച് ഒരുത്തനും വരാൻ 'ധൈര്യം കാണിക്കില്ല' എന്ന ഉറപ്പും ഉണ്ട്. കാരണം ഇത് മുസ്‌ലിം മാനേജ്മെന്റ് ആണല്ലോ.

പീസ് സ്കൂളിലേക്ക് മാർച്ച് നടത്തിയ ഒരൊറ്റ എസ്എഫ്ഐകാരനും ഡിവൈഎഫ്ഐക്കാരനും ആയുധപരിശീലനം നടത്തിയ സ്കൂളുകളിലേക്കോ, കൊലപാതകാസൂത്രണം നടത്തിയ സ്കൂളിലേക്കോ നോക്കി ഒന്ന് കണ്ണുരുട്ടിയിട്ടു പോലും ഇല്ല എന്നത് പ്രത്യേകം ശ്രദ്ധിക്കുക.

ഇത്രയും വായിക്കുമ്പോൾ 'ഞങ്ങളെ വർഗീയവാദികൾ ആക്കുകയാണോ' എന്ന് തോന്നുന്നവർ സ്വയം, സ്വന്തം പാർട്ടിയുടെയും മുന്നണിയുടെയും ആഭ്യന്തര വകുപ്പിന്റെയും വർഗീയമനസ്സും, വർഗീയ നടപടികളും കാണാതെ പോകരുതെന്നും ഒരു "സ്വയം വിമർശന പ്ലീനം" ആരുമറിയാതെ സ്വകാര്യമായെങ്കിലും ഒന്ന് നടത്തി നോക്കണം എന്നും വളരെ വിനീതമായി അഭ്യർഥിക്കുന്നു.

ഓഫ് ടോപ്പിക്:
വല്ലാതെ പേടിയുള്ളവർക്ക് ഈ പോസ്റ്റ് വായിച്ച് ലൈക് പോലും ചെയ്യാതെ പോകാം. അല്പം ഭയമേ ഉള്ളൂ വെങ്കിൽ ഒരു ലൈക്ക് കൊടുക്കാം. ഒട്ടും ഭയമില്ലെങ്കിൽ മാത്രം ഷെയർ ചെയ്യാം!

- മലയാളി പെരിങ്ങോട്
- www.malayaali.com
Share:

ലക്ഷ്യം ന്യൂനപക്ഷ ശാക്തീകരണം തടയല്‍ | ഡോ. ഹുസൈൻ മടവൂർ



ഇന്ത്യാ രാജ്യത്തിന്റെ ചരിത്രവും സംസ്‌കാരവും ബഹുസ്വരതയാണ്. ഹിന്ദുമതം എന്ന് വിളിക്കപ്പെട്ടതും വിവിധ സരണികളും ദര്‍ശനങ്ങളുമെല്ലാം ചേര്‍ന്ന വൈവിധ്യമാണ്. പിന്നീട് രൂപപ്പെട്ട ബുദ്ധ-ജൈന മതങ്ങളും ആശയ പ്രചാരണങ്ങളിലൂടെ പരസ്പരം കൊടുക്കല്‍ വാങ്ങലുകളുമായി ഒന്നിച്ചു വളര്‍ന്നതാണെന്നു കാണാം. ജൂത-ക്രൈസ്തവ-ഇസ്‌ലാം മതങ്ങളുടെ ആഗമനങ്ങളെയും ബഹുസ്വര സംസ്‌കൃതിയുടെ തുടര്‍ച്ചയായി വേണം കാണാന്‍. ദ്രാവിഡ സമൂഹത്തിലേക്ക് ആര്യന്മാരുടെ കടന്നുവരവ് ഉള്‍പ്പെടെ മേല്‍പറഞ്ഞ ഒന്നിനെയും വൈദേശികം പ്രാദേശികം എന്നു പറഞ്ഞ് മാറ്റി നിര്‍ത്താനാവില്ല.

എല്ലാ മതങ്ങളെയും സ്വാംശീകരിച്ചതും ഉള്‍ക്കൊണ്ട് ജീവിക്കുന്നതും ഭാരതീയരാണ്. എല്ലാ മത-ജാതി-ഉപജാതി ധാരകളുടെയും നാനാത്വത്തില്‍ ഏകത്വമാണ് രാജ്യത്തിന്റെ ആത്മാവ്. ഇതു നിലനിന്നു കാണണമെന്നാണ് ഗാന്ധിജിയും നെഹ്‌റുവും പട്ടേലും ആസാദും അലി സഹോദരന്മാരും ഖാഇദെമില്ലത്തും ഉള്‍പ്പെടെയുള്ള രാഷ്ട്ര ശില്‍പികളും ആഗ്രഹിച്ചത്.

ഭരണഘടന നിര്‍മ്മിച്ചപ്പോള്‍ മതേതരത്വവും എല്ലാവര്‍ക്കും തുല്യ പരിഗണനയും ഉറപ്പാക്കിയതും യാഥാര്‍ത്ഥ്യങ്ങളെ ഉള്‍ക്കൊണ്ടു തന്നെയാണ്. നാനാത്വത്തില്‍ ഏകത്വമെന്ന അടിസ്ഥാന ശിലയില്‍ കെട്ടിപ്പടുത്ത ഭരണഘടനയില്‍ ന്യൂനപക്ഷ അവകാശങ്ങള്‍ ഉറപ്പാക്കിയതും ബഹുസ്വരതയുടെ സൗന്ദര്യത്തെ സ്വാംശീകരിച്ചാണ്.

ആധുനിക സമൂഹ്യ ക്രമത്തില്‍ രാഷ്ട്രത്തിന്റ മഹത്വവും നിലനില്‍പും ന്യൂനപക്ഷങ്ങളെ അംഗീകരിക്കുന്നതിലാണെന്ന് പൊളിറ്റിക്കല്‍ സയന്‍സിന്റെ ബാലപാഠമാണ്. മതം, ജാതി, ഭാഷ, സംസ്‌കാരം എന്നിവയുടെ പേരിലെല്ലാം ന്യൂനപക്ഷമായവരെ മുഖ്യധാരയോട് ചേര്‍ത്തു നിര്‍ത്താന്‍ പ്രത്യേക പരിഗണന ഭരണഘടന ഉറപ്പാക്കിയതും അതിന്റെ സത്ത ഉള്‍കൊള്ളാന്‍ മാറിമാറി വരുന്ന സര്‍ക്കാറുകള്‍ തയ്യാറായി എന്നതും മനുഷ്യകുലത്തിന്റെയും ഭാരതീയ സംസ്‌കാരങ്ങളുടെയും വളര്‍ച്ചയും മെച്യുരിറ്റിയുമാണ് അടയാളപ്പെടുത്തുന്നത്.

ന്യൂനപക്ഷത്തോടൊപ്പം പരിഗണിക്കപ്പെടേണ്ടതാണ് പിന്നാക്കക്കാരായ പട്ടികജാതി-വര്‍ഗ വിഭാഗങ്ങളും ഗോത്ര സമൂഹങ്ങളും. മുസ്‌‌ലിംകള്‍ ഒരേ സമയം ന്യൂനപക്ഷവും പിന്നാക്കവുമാണ്. രണ്ടു രീതിയിലും പരിഗണനയും നീതിയും ലഭിക്കേണ്ട വിഭാഗം. പക്ഷെ, പലപ്പോഴും നിയമം വ്യാഖ്യാനിക്കുന്നവരും നടപ്പാക്കുന്നവരും അവരെ ദ്രോഹിക്കുകയും വളര്‍ച്ച തടയുകയും ജീവിതം ദുസ്സഹമാക്കുകയും ചെയ്യുന്ന നിലപാടാണ് എല്ലാ കാലത്തും ഏറിയോ കുറഞ്ഞോ സ്വീകരിച്ചത്. കൂടുതല്‍ പരിഗണന ലഭിക്കേണ്ടവരായിട്ടും മുസ്‌ലിം-ദലിത് വിഭാഗത്തിലുള്ളവരോട് അവഗണനയും ദ്രോഹവും തുടരുകയും ചെയ്യുന്നു.

രാജ്യത്തെ ജയിലുകളില്‍ ഭൂരിപക്ഷവും മുസ്‌ലിം-ദലിത് വിഭാഗങ്ങളില്‍ പെട്ട സാമൂഹ്യ പ്രവര്‍ത്തകരാണ്. അവരവരുടെ സാമൂഹ്യ വ്യവസ്ഥിതിയെ ഉള്‍കൊണ്ട് നാടിന്റെ വളര്‍ച്ചക്കായി പലവിധത്തില്‍ പ്രവര്‍ത്തിക്കുന്നവരെ കുറ്റവാളികളെപോലെ കണ്ട് കൈകാര്യം ചെയ്യുന്നു. കരിനിയമങ്ങള്‍ ചുമത്തി കേസെടുത്ത് വിചാരണ പോലുമില്ലാതെ ജയിലറയില്‍ തള്ളുന്നു. പശുവിന്റെ വിലപോലും നല്‍കാതെ ദലിതുകളെ മാനസികവും കായികവുമായി തകര്‍ക്കുന്നു. ഇതിന്റെ ഒടുവിലെ ഉദാഹരണമാണ് സാകിര്‍നായിക്ക് ഉള്‍പ്പെടെയുള്ള മത പ്രബോധകര്‍ക്കെതിരെ ഊഹാപോഹങ്ങള്‍ മറയാക്കി നടത്തുന്ന നീക്കങ്ങള്‍.

മഹാരാഷ്ട്ര സര്‍ക്കാറും പൊലീസും സാകിര്‍ നായികിനെതിരെ തെളിവില്ലെന്ന് പറയുകയും എന്തു കുറ്റം ആരോപിച്ചാലും നിരപരാധിത്വം കോടതിയില്‍ തെളിയിക്കാന്‍ തയ്യാറാണെന്ന് അദ്ദേഹം ആവര്‍ത്തിക്കുകയും ചെയ്തിട്ടും ഒരു പൗരന് ലഭിക്കേണ്ട സ്വാഭാവിക നീതി നിഷേധിക്കുന്നുവെന്നതാണ് പ്രശ്‌നത്തിന്റെ കാതല്‍. ദേശീയ തലത്തില്‍ ശക്തിപ്പെട്ട സംഭവങ്ങളുടെ തുടര്‍ച്ചയായി കേരളത്തിലും അത്തരം പ്രവണതള്‍ കണ്ടുതുടങ്ങിയെന്നത് നിസ്സാരമല്ല. പ്രമുഖ പ്രബോധകനായ എം എം അക്ബറിന് എതിരെയുണ്ടായ നീതി നിഷേധവും ഈ അര്‍ത്ഥത്തില്‍ വേണം കാണാന്‍.

അദ്ദേഹം പതിറ്റാണ്ടുകളായി പൊതുജന മധ്യേ സുതാര്യമായി മത പ്രബോധനം നടത്തുന്ന വ്യക്തിയാണ്. അദ്ദേഹത്തിന്റെ കൃതികളും പ്രഭാഷണങ്ങളും ഏതെങ്കിലും മതത്തേയോ വിഭാഗത്തേയോ അവഹേളിക്കുന്നതായോ മോശമാക്കിയതായോ ഇന്നേവരെ ഒരു പരാതിയുമില്ല. വിവിധ മത ഗ്രന്ഥകളെ വിശകലനം ചെയ്തും സ്വാംശീകരിച്ചും എം എം അക്ബര്‍ നടത്തുന്ന പ്രബോധന ശൈലി ആരെയും വ്രണപ്പെടുത്തിയതായി ഒരു തെളിവുമില്ല. സാമൂഹ്യ നന്മക്കും സമാധാന സന്ദേശ പ്രചാരണത്തിനും വിലപ്പെട്ട സംഭാവന നല്‍കിയ എം എം അക്ബറിനെ നിയമപാലകര്‍ സംശയത്തിന്റെ മുള്‍മുനയില്‍ നിര്‍ത്തുന്നത് അനീതിയല്ലെങ്കില്‍ മറ്റെന്താണ്.

മുസ്‌ലിം സ്ഥാപനങ്ങള്‍ക്ക് നേരെ പൊലീസ് നടത്തുന്ന അമിതാവേശവും ഇതിന്റെ മറ്റൊരു പകര്‍പ്പാണ്. രാജ്യത്ത് ഹൈന്ദവനും ക്രൈസ്തവനും മുസല്‍മാനുമെല്ലാം സ്വന്തമായ സ്ഥാപനങ്ങള്‍ ഉണ്ട്. വിദ്യാഭ്യാസ-സാമൂഹ്യ പുരോഗതി ലക്ഷ്യമിട്ട് നിയമാനുസൃതമായാണ് എല്ലാവരും പ്രവര്‍ത്തിക്കുന്നത്. ഹിന്ദുവും മുസ്‌ലിമും ക്രൈസ്തവനുമെല്ലാം സ്വന്തമായി സ്ഥാപിച്ചിട്ടുള്ള വിദ്യാഭ്യാസ സ്ഥാപനങ്ങളില്‍ എല്ലാവര്‍ക്കും പ്രവേശനം നല്‍കുന്നുണ്ടെന്നത് വിമര്‍ശകര്‍ മനസിലാക്കണം. അവരവരുടെ മതത്തെയും സംസ്‌കാരത്തെയും കുറിച്ചും അത്തരം സ്ഥാപനങ്ങളില്‍ എല്ലാ വിഭാഗവും പഠിപ്പിക്കുന്നത് രാജ്യത്തെ ഭരണഘടന ഉറപ്പു നല്‍കുന്ന നിയമത്തിന്റെ പരിധിയില്‍ നിന്നാണ്.

ന്യൂനപക്ഷ വിഭാഗം എന്ന നിലക്ക് വിദ്യാഭ്യാസ പ്രബോധന സ്ഥാപനങ്ങള്‍ സ്ഥാപിക്കാനും നടത്താനും പ്രത്യേക അവകാശവും രാജ്യത്തെ മുസ്‌ലിംകള്‍ക്ക് ഭരണഘടന ഉറപ്പു നല്‍കുന്നുണ്ട്. വഖഫും സ്വദഖയും ഉപയോഗിച്ച് സമൂഹ നന്മക്കായി മുസ്‌ലിംകള്‍ കെട്ടിപ്പടുത്ത പല സ്ഥാപനങ്ങളിലും ഇതര വിഭാഗങ്ങളാണ് കൂടുതലും പഠിക്കുന്നത്. ഫറൂഖ് കോളജ്, തിരൂരങ്ങാടി പി എസ് എം ഒ, അരീക്കോട് സുല്ലമുസ്സലാം, വെള്ളിമാടുകുന്ന് ജെ ഡി റ്റി ഇസ്‌ലാം, എം ഇ എസ് സ്ഥാപനങ്ങള്‍ എന്നിവയൊക്കെ പരിശോധിച്ചാല്‍ അതു ബോധ്യപ്പെടും. മറ്റുമതസ്ഥര്‍ക്ക് ഐത്തം കല്‍പിക്കുന്നതോ വിദ്വേഷം പഠിപ്പിക്കുന്നതോ ആയ ഒരു സ്ഥാപനവും കേരളത്തില്‍ മുസ്‌ലിംകളുടേതായി ഇല്ലെന്ന് തീര്‍ത്തു പറയാനാവും.

പക്ഷെ, എല്ലാ വസ്തുതകളും നിയമവും നീതിയും കാറ്റില്‍ പറത്തി ഒരു വിഭാഗം നിയമപാലകര്‍ മുസ്‌ലിം സ്ഥാപനങ്ങളെ വേട്ടയാടുകയാണ്. എറണാകുളത്തെ പീസ് സ്‌കളില്‍ ഏതോ പാഠപുസ്തകത്തിലെ ഒരു പരാമര്‍ശത്തിന്റെ പേരിലാണത്രെ ജാമ്യം പോലും ലഭിക്കാത്ത വകുപ്പില്‍ പെടുത്തി നടപടിയെടുത്തത്. പാഠപുസ്തകത്തിലോ കരിക്കുലത്തിലോ അപാകതയുണ്ടെന്ന് കണ്ടാല്‍ അതു തിരുത്തിക്കാന്‍ അധികൃതര്‍ക്ക് അവകാശമുണ്ട്. പക്ഷെ, അതിനു പകരം മറ്റെന്തോ താല്‍പര്യം സംരക്ഷിക്കാനാണ് ശ്രമം. പീസ് സ്‌കൂളിലെ കരിക്കുലത്തിലോ പാഠപുസ്തകത്തിലോ എന്തെങ്കിലും അപാകതയുണ്ടെങ്കില്‍ തിരുത്തിക്കുന്നതിനോ നിയമാനുസൃത നടപടിക്കോ ആരും എതിരല്ല. അതിന്റെ പേരില്‍ നടക്കുന്ന നിയമവിരുദ്ധ ദ്രോഹനടപടിയാണ് പ്രശ്‌നം.

തന്റെ മതമാണ് ശരിയെന്ന് പറയാനും പ്രചരിപ്പിക്കാനും രാജ്യത്തെ നിയമം അനുവദിക്കുന്നുണ്ട്. എന്റെ രാഷ്ട്രീയമാണ്-രാജ്യമാണ്-നേതാവാണ്-ആശയമാണ് ശരിയെന്ന് ഗാന്ധിയനും കമ്മ്യൂണിസ്റ്റിനും മതവിശ്വാസിക്കുമെല്ലാം വിശ്വസിക്കുകയും പ്രചരിപ്പിക്കുകയും ആവാം. പക്ഷെ, മറ്റു വിഭാഗക്കാര്‍ക്കെതിരായ വിദ്വേഷ പ്രചാരണവും അവരുടെ ചിഹ്നങ്ങളെ അവഹേളിക്കുന്നതും സ്വത്വം ഉയര്‍ത്തിപ്പിടിക്കുന്നതും വേര്‍തിരിച്ച് മനസ്സിലാക്കുകയും വേണം. കേരളത്തില്‍ പ്രവര്‍ത്തിക്കുന്ന ഒരു മുഖ്യധാരാ മുസ്‌ലിം സംഘടനയും ഭീകതയോടോ തീവ്രവാദത്തോടോ സന്ധി ചെയ്തിട്ടില്ല. ഒറ്റക്കും കൂട്ടായും അത്തരം ദുഷ്പ്രവണതകള്‍ക്കെതിരെ എല്ലാവരും ക്യാമ്പയിന്‍ നടത്തുകയും പ്രവര്‍ത്തിക്കുകയും ചെയ്യുന്നുണ്ട്.

ആഗോള ഭീകര സംഘമായ ഐ.എസിനെയുള്‍പ്പെടെ തള്ളിപ്പറയാനും എതിരിടാനും കേരളത്തിലെ എല്ലാ സംഘടനകളും ഒരൊറ്റ മനസ്സാണ്. അക്കാര്യത്തില്‍ സലഫി പ്രസ്ഥാനങ്ങളെ പ്രതിക്കൂട്ടില്‍ നിര്‍ത്താനുള്ള ഒറ്റപ്പെട്ട ശ്രമങ്ങളിലെ പൊള്ളത്തരവും കാര്യങ്ങളെ ശരിയായി വിലയിരുത്തിയാല്‍ ബോധ്യപ്പെടും. ലോക മുസ്‌ലിം ഉമ്മത്ത് (സമുദായം) തള്ളിക്കളഞ്ഞ അക്രമക്കൂട്ടമായ ഐ എസിലേക്ക് മുസ്‌ലിംകളെ ചാരി നേട്ടംകൊയ്യാനുള്ള ചിലരുടെ നീക്കങ്ങള്‍ നേരത്തെ സൂചിപ്പിച്ചപോലെ, ഇന്ത്യന്‍ മുസ്‌ലിം ശാക്തീകരണവും വളര്‍ച്ചയും തടയാനുള്ള നീക്കമാണ്.

15 കോടിയോളം വരുന്ന ഇന്ത്യന്‍ മുസ്‌ലിംകളില്‍ വിരലിലെണ്ണാവുന്ന ചിലര്‍ക്ക് വഴിതെറ്റിയെന്ന് കണ്ടാല്‍ തന്നെ അതു തിരുത്താന്‍ മുസ്്‌ലിം സംഘടകള്‍ നടത്തുന്ന ആത്മാര്‍ത്ഥ ശ്രമങ്ങളെ മുഖവിലക്കെടുത്ത് പിന്തുണക്കുകയാണ് അധികൃതര്‍ക്ക് കരണീയം.

അത്തരക്കാരെ ചര്‍ച്ചയിലൂടെ തിരുത്തി നേര്‍വഴിയിലേക്ക് എത്തിക്കാനുള്ള ശ്രമങ്ങള്‍ക്ക് പകരം നിയമം കയ്യിലെടുക്കുന്ന നിയമ പാലകരുടെ അമിതാവേശം വിപരീത ഫലമാണുണ്ടാക്കുക. മുസ്‌ലിം-ദലിത്-മനുഷ്യാവാശ പ്രവര്‍ത്തകരെ ശത്രുപക്ഷത്ത് നിര്‍ത്തുന്നതും അവര്‍ക്കെതിരെ വര്‍ധിച്ചുവരുന്ന കരിനിയമ നീക്കങ്ങളും പ്രശ്‌നം സങ്കീര്‍ണ്ണമാക്കും. അനാവശ്യമായി കേസെടുത്ത് പീഡിപ്പിക്കുകയും വിചാരണ തടവുകാരായി ജയിലില്‍ തള്ളി ജീവിതം തകര്‍ക്കുന്നതും പരിഷ്‌കൃത സമൂഹത്തിന് യോജിച്ചതല്ല.

നിയമം നിയമത്തിന്റെ വഴിക്ക് വിട്ടില്ലെങ്കില്‍ ബഹുസ്വരതയില്‍ പടുത്തുയര്‍ത്തിയ മഹത്തായ രാജ്യത്തിന്റെ ഭാവി പുരോഗതയില്‍ അതു വലിയ തടസ്സമാവും. മുസ്‌ലിംകളും രാജ്യത്തെ പൗരന്മാരാണെന്നും തുല്യനീതിക്ക് അവകാശപ്പെട്ടവരാണെന്നുമുള്ള ബോധമാണ് പരമപ്രധാനം. ഭീകതയും തീവ്രവാദവും ആരോപിച്ച് മുസ്‌ലിംകളെ പ്രാന്തവത്കരിക്കാനുള്ള ബോധപൂര്‍വമായ ശ്രമങ്ങള്‍ക്കെതിരെ ഒറ്റക്കെട്ടായി അണിചേരേണ്ട സമയമാണിത്.

(കെ എന്‍ എം സംസ്ഥാന വൈസ് പ്രസിഡന്റാണ് ലേഖകന്‍)

ചന്ദ്രിക ദിനപത്രം
05 ജനുവരി 2017
Share:

Latest News

Categories

2014 AbduRabbu Amen Android Article Aruvikkara Cyclone Gonu Demonetisation Demonetization Education Eid Mubarak facebook gaza Gonu Google Hussain Madavoor IUML KairaliTV Kanthapuram kavitha Kerala Kerala Police KK KSRTC LDF Madhyamam makkalam malayalam Malayali Peringode Mangalam TV mazha mazhathulli MediaOne Meelad Milad Minister MM Akbar Mobile Modi Mujahid Muslim League N D F OsamaBinLadin Peace School poem Political Politics QLS rain Ramadan Saudi SDPI sea Shabab Shukkoor Swalahi Sister Jesmi Tips & Tricks UAE varthamanam VT Balram അനാചാരം അനുഭവം അബ്ദുല്‍ഹമീദ് അഭിമുഖം അയുക്തീ അരുവിക്കര അവധി ആമേന്‍ ആശംസകള്‍ ഇസ്രാഈല്‍ ഇസ്‌റാഈല്‍ ഈദ് മുബാറക് ഉസാമ എൻ ഡി എഫ് എൽഡി‌എഫ് എസ് ഡി പി ഐ ഏകാന്തത ഐനു നുഹ ഒസാമ ബിൻ ലാദിൻ ഓര്‍മ ഓര്‍മക്കുറിപ്പ് കമല സുരയ്യ കവിത കള്ള ആത്മീയത കാത്തിരിപ്പ് കാന്തപുരം കാരക്കുന്ന് കാര്‍ട്ടൂണ്‍ കിനാലൂര്‍ കെ കെ മുഹമ്മദ് സുല്ലമി കേരള പോലീസ് കൈരളി ഖുര്‍‌ആന്‍ ലേണിംഗ് സ്കൂ‍ള്‍ ഖുര്‍‌ആന്‍ വിജ്ഞാന പരീക്ഷ ഗസ്സ ഗാസ ചതി ചന്ദ്രിക ചാവേര്‍ ചെറിയമുണ്ടം ജമാ‌അത്തെ ഇസ്‌ലാമി ജയ് ഹിന്ദ് ടിവി ടിവി ഡാര്‍വിനിസം തീവ്രവാദം ദാറുല്‍ഇസ്‌ലാം ദാറുല്‍കുഫ്രര്‍ ദാറുല്‍ഹര്‍ബ്‌ ദൈവം നരഹത്യ നാ‍ട്ടിലേക്ക് നോട്ട് അസാധു നോട്ട് നിരോധനം പഠനം പലവക പാഠപുസ്തകം പിണറായി വിജയൻ പുതുമഴ പുസ്തകം പോലീസ് പൌരോഹിത്യം പ്രതികരണം ഫലസ്തീന്‍ ഫലസ്ത്വീന്‍ ഫലസ്ഥീന്‍ ഫെയ്സ്ബുക്ക് ബഷീർ ബിജെപി ബിദ്‌അത്ത് ബേനസീര്‍ ഭീകരാക്രമണം മംഗളം മതം മത്സ്യം മദനി മലയാളി മഴ മാധവിക്കുട്ടി മാധ്യമം മാംസം മീഡിയ വൺ മീലാദ് മുട്ട മുംബൈ മുസ്‌ലിം ലീഗ് മോദി യാത്ര യുക്തിവാദം രമേശ് ചെന്നിത്തല രാഷ്ട്രീയം ലേഖനം ലോക വൃദ്ധ ദിനം വഖഫ് ബോര്‍ഡ് വർഗീയത വര്‍ത്തമാനം വർത്തമാനം വര്‍ത്തമാനം ആഴ്‌ചപ്പതിപ്പ് വഹീദുദ്ദീന്‍ ഖാന്‍ വായന വാര്‍ത്ത വിമർശം വിസ്ഡം വ്യക്തി ശബാബ് വാരിക ശശീന്ദ്രൻ ശിഹാബ് തങ്ങള്‍ ശുക്കൂർ സ്വലാഹി സാമൂഹികം സി‌എം മഖാം സി‌എം മടവൂർ സി‌എം സെന്റർ സിപി‌ഐ‌എം സിസ്റ്റര്‍ ജെസ്‌മി സൗദി സ്വാതന്ത്ര്യദിനാശംസ ഹുസൈന്‍ മടവൂര്‍ ഹൂറി റമദാന്‍

Ordered List

Definition List